Vijay Rupani Funeral: વિજય રૂપાણીની અંતિમ યાત્રા માટે તૈયારીઓ પૂર્ણ, રાજ્ય સન્માન સાથે થશે વિદાય
Vijay Rupani Funeral: ગુજરાતના પૂર્વ મુખ્યમંત્રી વિજય રૂપાણીનું નામ હવે ઈતિહાસમાં શોકભર્યા પાનાંમાં લખાશે. અમદાવાદ એરપોર્ટ નજીક થયેલી દુર્ઘટનામાં તેમનું કરુણ અવસાન થયું છે. તેમની પુત્રીને મળવા લંડન જતી ફ્લાઇટમાં તેઓ સવાર હતા. દુર્ઘટના બાદ તેમના મૃતદેહની પુષ્ટિ ડીએનએ પરીક્ષણ દ્વારા થઈ છે.
અગાઉના નક્કી મુજબ, અંતિમ સંસ્કાર રાજકોટ ખાતે કરવામાં આવશે, જ્યાં તેમના જીવનની છેલ્લી વિદાય રાજ્યના ઔપચારિક સન્માન સાથે થશે. અંતિમ સંસ્કારની વિધિ પહેલા તોપની સલામી અપાશે અને તેમના પાર્થિવ દેહને ત્રિરંગા દ્વારા ઢાંકવામાં આવશે.
રાજકીય નેતાઓ, વરિષ્ઠ વહીવટી અધિકારીઓ તથા સહાનુભૂતિ દર્શાવવા માટે લોકોની ભીડ રાજકોટ જઇ રહી છે. સમગ્ર રાજ્યમાં મૌન અને ભાવભીની શ્રદ્ધાંજલીઓથી ગુજરાત શોકમાં ઢળી ગયું છે.
