Raj Bhavan Holi Celebration : રાજભવનમાં ધૂળેટીનો રંગોત્સવ: રાજ્યપાલ દેવવ્રત સાથે હોળી રમ્યા અધિકારીઓ-કર્મચારીઓ, રાજસ્થાની લોકકલાકારોએ જમાવ્યો રંગ
Raj Bhavan Holi Celebration : ગાંધીનગરના રાજભવનમાં આજે હોળી-ધૂળેટીનો પર્વ ધામધૂમથી ઉજવાયો. રાજ્યપાલ આચાર્ય દેવવ્રતે રાજભવન પરિવારના સભ્યો સાથે પરંપરાગત રીતે હોળી રમી અને ઉત્સવની આનંદમય મોજ માણી.
રાજભવનના અધિકારીઓ, કર્મચારીઓ અને સુરક્ષા સ્ટાફે પરિવારજનો સાથે ઉત્સાહપૂર્વક ભાગ લીધો. નાનાં બાળકો રાજ્યપાલને રંગ લગાવતા જોવા મળ્યા, જ્યારે રાજ્યપાલે પણ સૌને પ્રેમથી અબીલ-ગુલાલ લગાવ્યા. .
વિશેષ રૂપે, રાજસ્થાની લોકકલાકારોએ ડફલી અને ઢોલની તાલે પરંપરાગત ગેર નૃત્ય રજૂ કર્યું, જેને હોળીના લોકગીતોએ સંગીતમય બનાવી દીધું.
રાજ્યપાલે સૌને શુભેચ્છાઓ આપી અને ભાઈચારો, સૌહાર્દ તથા પ્રેમ પ્રસરાવવાનો સંદેશ આપ્યો. વિવિધ વયના લોકો સાથે મળીને ઉત્સવની મજા માણતા જોવા મળ્યા, જ્યાં સૌ એકબીજાને રંગોથી રંગીને પર્વની ખુશી વહેંચી રહ્યા હતા.
આ રીતે, રાજભવનમાં યોજાયેલા આ રંગોત્સવે પરંપરા, સંસ્કૃતિ અને સૌહાર્દનું જીવંત ઉદાહરણ પુરું પાડ્યું.
