March 31 deadline property disclosure: ગુજરાતમાં સરકારી કર્મચારીઓને અલ્ટીમેટમ, 31 માર્ચ સુધી મિલકતો જાહેર કરો નહીંતર…
March 31 deadline property disclosure: ગુજરાત સરકારના સામાન્ય વહીવટ વિભાગે તાજેતરમાં એક પરિપત્ર જાહેર કર્યો છે, જે હેઠળ રાજ્યના તમામ સરકારી અધિકારીઓ અને કર્મચારીઓએ 31 માર્ચ 2025 સુધીમાં પોતાની સ્થાવર અને જંગમ મિલકતની વિગતો અપડેટ કરવી ફરજિયાત હશે. આ માહિતી સરકારના કર્મયોગી પોર્ટલ પર જાહેર કરવી જરૂરી છે. જો કોઈ કર્મચારી અથવા અધિકારી આ નિર્દેશનું પાલન નહીં કરે, તો તેમને એપ્રિલ મહિનામાં મળવાનો માર્ચ મહિનાનો પગાર રોકી રાખવામાં આવશે.
મિલકત જાહેર કરવાની સમયસીમા અને શરતો:
કર્મચારીઓએ 1 જાન્યુઆરી 2024 થી 31 ડિસેમ્બર 2025 દરમિયાન મેળવેલી સંપત્તિની વિગતો જાહેર કરવી પડશે.
31 માર્ચ બાદ જો કોઈ કર્મચારી મિલકતની માહિતી અપલોડ નહીં કરે, તો તેમનો પગાર સ્થગિત કરી શકાય છે.
અગાઉ ગેઝેટેડ અધિકારીઓ (વર્ગ 1 અને વર્ગ 2) માટે જ આ નિયમ લાગુ હતો, પરંતુ હવે વર્ગ 3ના ફિક્સ પગારધારક સહિત તમામ કર્મચારીઓ માટે પણ આ ફરજિયાત કરાયું છે.
આ પહેલા 7 જાન્યુઆરી 2025ના પરિપત્રમાં રાજ્ય સરકાર દ્વારા સ્પષ્ટ કરવામાં આવ્યું હતું કે, વર્ગ 3ના કર્મચારીઓએ પણ દર વર્ષે 31 જાન્યુઆરી પહેલા પોતાનો મિલકત પત્રક સબમિટ કરવો પડશે.
શાસનની કડક રીતે અમલવારી:
ગયા વર્ષે સરકારે નિયમમાં ફેરફાર કરીને હવે તમામ સરકારી કર્મચારીઓને આ પ્રક્રિયા માટે બાંધી દીધા છે. આ નિર્ણય હેઠળ ફિક્સ પગારવાળા કર્મચારીઓ પણ સમાવિષ્ટ છે. રાજ્ય સરકારના આ નિર્ણયો પદાધિકારીઓ અને કર્મચારીઓ માટે આવશ્યક જવાબદારી બનશે.
