Chhota Udepur rubber dam: ગુજરાતના છોટા ઉદેપુર જિલ્લામાં રાજ્યનો પહેલો રબર ડેમ બનશે, ૧૨૮ કરોડના ખર્ચે થશે નિર્માણ
Chhota Udepur rubber dam: ગુજરાત સરકાર રાજ્યના દરેક ખૂણે વિકાસ પહોંચાડવા માટે નવી યોજનાઓ અમલમાં મૂકી રહી છે. આના ભાગરૂપે, છોટા ઉદેપુર જિલ્લાના બોડેલી તાલુકાના રાજવાસણા ગામમાં હિરણ નદી પર રાજ્યનો સૌપ્રથમ રબર ડેમ બનાવવાનો નિર્ણય લેવામાં આવ્યો છે. આ પ્રોજેક્ટ માટે રાજ્ય સરકારે ૧૨૮ કરોડ રૂપિયાની મંજૂરી આપી છે.
રબર ડેમથી 60 ગામોને મળશે પાણી
રાજવાસણામાં રબર ડેમના નિર્માણ માટે અંદાજિત 100 કરોડ રૂપિયાનો ખર્ચ થશે, જ્યારે 28 કરોડ રૂપિયા નહેરોની સુવિધા માટે ફાળવવામાં આવ્યા છે. આ ડેમ બન્યા પછી બોડેલી તાલુકાના 60 જેટલા ગામોને સિંચાઈ અને પીવાનું પાણી મળશે, જેના કારણે ખેડૂતો માટે પાણીની સમસ્યાનો ઉકેલ લાવશે.
જૂના ડેમનું સ્થિતિ અને નવા ડેમની જરૂરિયાત
મુંબઈ રાજ્યના સમયમાં રાજવાસણામાં એક બંધ બનાવાયો હતો, જે હાલ અત્યંત જર્જરિત હાલતમાં છે. ડેમની અંદર 30 ફૂટ સુધી માટી અને રેતી ભરાઈ જતાં પાણી સંગ્રહ કરવાની ક્ષમતા ઘટી ગઈ છે. આ કારણે, ખેડૂતોને સિંચાઈ માટે પૂરતું પાણી મળી શકતું નથી. આ સમસ્યાને ધ્યાનમાં રાખીને, રાજ્ય સરકારે ડેમના નવીનીકરણ માટે વિશેષ બજેટ ફાળવ્યું છે.
રબર ડેમની ખાસિયત
સુખી સિંચાઈ વિભાગના કાર્યકારી ઇજનેર ધવલ પટેલે જણાવ્યું કે આ રબર ડેમનું નિર્માણ બે તબક્કામાં થશે. ચોમાસા દરમિયાન, રબર ડેમને ડિફ્લેટ કરીને પાણીના પ્રવાહને સુચારૂ બનાવવામાં આવશે, જ્યારે ચોમાસા પૂર્ણ થયા પછી ડેમમાં પાણી સંગ્રહ કરવામાં આવશે. આ ટેક્નોલોજી દ્વારા 60 ગામોને પીવાનું અને સિંચાઈ માટે પૂરતું પાણી મળશે.
પ્રોજેક્ટ માટે આગામી પગલાં
રાજ્ય સરકાર દ્વારા બજેટ મંજૂર કરાયા બાદ ટૂંક સમયમાં જ ડેમ બાંધકામનું કામ શરૂ કરવામાં આવશે. બોડેલી સ્થિત સુખી સિંચાઈ વિભાગ-2ની કચેરી દ્વારા આ પ્રોજેક્ટના તમામ તબક્કાઓની દેખરેખ રાખવામાં આવશે.
આ રબર ડેમ પ્રોજેક્ટ રાજ્યના કૃષિ અને પાણી વ્યવસ્થાપન માટે એક મહત્વપૂર્ણ પગલું સાબિત થશે.
