Bullet Train Station: સુરતમાં તૈયાર દેશનું પ્રથમ બુલેટ ટ્રેન સ્ટેશન: ૨૦૨૮થી શરૂ થશે હાઈ-સ્પીડ ટ્રેન સેવાઓ
Bullet Train Station: બુલેટ ટ્રેનની રાહ જોઈ રહેલા લોકોએ ખુશખબર સાંભળવી! સુરતમાં ભારતનું પહેલું બુલેટ ટ્રેન સ્ટેશન લગભગ પૂરૂં થઇ ગયું છે. તેમ છતાં, ટ્રેનની સેવા શરૂ કરવા માટેના તૈયારીઓ અને મંજૂરી પ્રક્રિયા ચાલુ છે.
અહેવાલો અનુસાર, ગુજરાતમાં સાબરમતીથી વાપી વચ્ચે બુલેટ ટ્રેનનું સંચાલન ૨૦૨૮માં શરૂ થવાની શક્યતા છે. જ્યારે સમગ્ર રુટ, જે અમદાવાદથી મુંબઈ સુધી જાય છે, ૨૦૩૦માં શરૂ થવાની આશા છે.
આ હાઈ-સ્પીડ રેલ્વે કોરિડોરનો કુલ લંબાઈ ૫૦૮ કિમી છે, જેમાં મહારાષ્ટ્રના બાંદ્રા-કુર્લા કોમ્પ્લેક્સ (BKC), થાણે, વિરાર અને બોઇસરમાંથી પસાર થતાં ગુજરાતના વાપી, સુરત, વડોદરા, અમદાવાદ અને સાબરમતી સુધી જઈ શકે છે. જેમાંથી ગુજરાતનો ભાગ લગભગ ૩૪૮ કિલોમીટર છે અને મહારાષ્ટ્રનો ૧૫૬ કિલોમીટર.
રેલ્વે મંત્રી અશ્વિની વૈષ્ણવે તાજેતરમાં જણાવ્યું કે, મુંબઈ-અમદાવાદ હાઈ-સ્પીડ રેલ્વે પ્રોજેક્ટમાં ૩૦૦ કિમી લાંબો વાયાડક્ટ પૂર્ણ થઈ ગયો છે. આ ઉપરાંત, ૩૮૩ કિમી પિયરનું કામ, ૪૦૧ કિમી ફાઉન્ડેશનનું કાર્ય અને ૩૨૬ કિમી ગર્ડર કાસ્ટિંગનું કામ પણ પૂર્ણ થઈ ચૂક્યું છે. મુંબઈના BKCમાં બનેલું દેશનું એકમાત્ર ભૂગર્ભ બુલેટ ટ્રેન સ્ટેશન લગભગ ૭૬ ટકા પૂર્ણ થયું છે.
આ બુલેટ ટ્રેન પ્રોજેક્ટની સફળ શરૂઆત સાથે ભારત વિશ્વના ૧૫ એવા દેશોમાં સામેલ થશે જ્યાં હાઈ-સ્પીડ રેલ્વે સેવાઓ ઉપલબ્ધ છે. સરકારનો દાવો છે કે આ પ્રોજેક્ટ મુસાફરોનો સમય બચાવશે, પ્રદૂષણ ઘટાડશે, રોજગાર વધારશે, માર્ગ અકસ્માતોમાં ઘટાડો લાવશે, બળતણની આયાત ઘટાડશે અને આર્થિક વિકાસને વધુ ગતિ આપશે.
