Gujarati Actress Janki Bodiwala Won IIFA : IIFA એવોર્ડમાં ગુજરાતનું ગૌરવ: પહેલીવાર બે ગુજરાતી અભિનેત્રીને મળ્યું પ્રતિષ્ઠિત સન્માન
Gujarati Actress Janki Bodiwala Won IIFA : ઈન્ટરનેશનલ ઈન્ડિયન ફિલ્મ એકેડમી (IIFA) ના 25મા એવોર્ડ સમારોહનું ભવ્ય આયોજન 8 અને 9 માર્ચે જયપુરમાં કરવામાં આવ્યું હતું. શનિવારે IIFA ડિજિટલ એવોર્ડની જાહેરાત કરવામાં આવી, જ્યારે રવિવારે IIFA મેન એવોર્ડ વિજેતાઓને સન્માનિત કરવામાં આવ્યા. આ ઇવેન્ટ ગુજરાતીઓ માટે વિશેષ ગૌરવપૂર્ણ બની, કારણ કે આ વર્ષે પ્રથમવાર બે ગુજરાતીઓને આ પ્રતિષ્ઠિત એવોર્ડ મળ્યો.
ગુજરાતી અભિનેત્રી અને લેખિકા IIFA એવોર્ડ વિજેતા બન્યા
સપોર્ટિંગ રોલ કેટેગરીમાં જાનકી બોડીવાલાને ફિલ્મ શaitan માટે શ્રેષ્ઠ સહાયક અભિનેત્રીનો એવોર્ડ મળ્યો, જે બોલિવૂડ સુપરસ્ટાર શાહરૂખ ખાનના હસ્તે એનાયત કરવામાં આવ્યો. સાથે જ સ્નેહા દેસાઈને શ્રેષ્ઠ સ્ક્રિનપ્લે માટે સન્માનિત કરવામાં આવ્યા હતા, જે ગુજરાતી ટેલેન્ટ માટે એક મહાન ઉપલબ્ધિ છે.
IIFA એવોર્ડ 2025 – મહત્વપૂર્ણ વિજેતાઓ
શ્રેષ્ઠ ફિલ્મ: લાપતા લેડીઝ
શ્રેષ્ઠ અભિનેતા: કાર્તિક આર્યન (ભૂલ ભુલૈયા 3)
શ્રેષ્ઠ અભિનેત્રી: નિતાંશી ગોયલ (લાપતા લેડીઝ)
શ્રેષ્ઠ દિગ્દર્શક: કિરણ રાવ (લાપતા લેડીઝ)
શ્રેષ્ઠ વિલન: રાઘવ જુયાલ (કિલ)
શ્રેષ્ઠ ડેબ્યુ અભિનેતા: લક્ષ્ય લાલવાણી (કિલ)
શ્રેષ્ઠ ડેબ્યુ અભિનેત્રી: પ્રતિભા રાંતા (લાપતા લેડીઝ)
શ્રેષ્ઠ સહાયક અભિનેતા: રવિ કિશન (લાપતા લેડીઝ)
IIFA ડિજિટલ એવોર્ડ્સ
શ્રેષ્ઠ ડિજિટલ ફિલ્મ: અમર સિંહ ચમકીલા
શ્રેષ્ઠ દિગ્દર્શક (ડિજિટલ): ઈમ્તિયાઝ અલી (અમર સિંહ ચમકીલા)
શ્રેષ્ઠ અભિનેતા (ડિજિટલ): વિક્રાંત મેસી (સેક્ટર 36)
શ્રેષ્ઠ અભિનેત્રી (ડિજિટલ): કૃતિ સેનન (દો પત્તી)
IIFA 2025: એક ભવ્ય રાત્રિ
આ ભવ્ય ઇવેન્ટમાં બોલિવૂડના ટોચના સ્ટાર્સ શાહરૂખ ખાન, માધુરી દીક્ષિત, કરીના કપૂર, શાહિદ કપૂર અને કાર્તિક આર્યને સ્ટેજ પર જલવા વિખેર્યા. ખાસ કરીને, કાર્તિક આર્યન અને કરણ જોહરે મળીને આ ઇવેન્ટને હોસ્ટ કરી, જે દર્શકો માટે એક રોમાંચક અનુભવ સાબિત થયો.
ગુજરાતી ટેલેન્ટ માટે ગૌરવનો પ્રસંગ
આ વર્ષે IIFA એવોર્ડ્સ ગુજરાતી કલાકારો માટે ખાસ રહ્યા, કારણ કે જાનકી બોડીવાલા અને સ્નેહા દેસાઈએ વિજેતા બનીને ગુજરાતનું નામ રોશન કર્યું. આ સિદ્ધિ ગુજરાતી કલાકારો માટે એક નવી દિશા અને મંચ ઉભી કરશે.
