Amit Shah Gujarat visit : ઓપરેશન સિંદૂર બાદ પહેલીવાર ગુજરાત આવી રહ્યા છે અમિત શાહ, જાણો બે દિવસના પ્રવાસનો સંપૂર્ણ કાર્યક્રમ
Amit Shah Gujarat visit : ઓપરેશન સિંદૂરના પગલાં બાદ કેન્દ્રિય ગૃહ અને સહકાર મંત્રી અમિત શાહ હવે સૌપ્રથમ વખત ગુજરાતના પ્રવાસે આવી રહ્યા છે. તેઓ 15 અને 16 મેના રોજ રાજ્યમાં વિવિધ કાર્યક્રમોમાં હાજરી આપશે. તેમની આ મુલાકાતમાં સહકારી ક્ષેત્રના વિકાસ અને પ્રગતિ સાથે જોડાયેલી અનેક મહત્વપૂર્ણ ઘટનાઓનો સમાવેશ થશે.
સહકાર દિવસની ઉજવણીથી શરૂઆત
15 મેના રોજ અમિત શાહ ગાંધીનગર સ્થિત મહાત્મા મંદિર ખાતે યોજાનાર 102માં આંતરરાષ્ટ્રીય સહકાર દિવસની ઉજવણીમાં ભાગ લેશે. અહીંથી તેમના બે દિવસના ગુજરાત પ્રવાસનો આરંભ થશે.
સહકાર પ્રોજેક્ટોની મુલાકાત
આજના દિવસે બપોરે તેઓ બનાસકાંઠાના ચાંગડા ગામે પહોંચશે. અહીં સહકારી પાયલોટ પ્રોજેક્ટની મુલાકાત લઈ, દૂધ ઉત્પાદન સાથે સંકળાયેલી મહિલાઓને શૂન્ય ટકા વ્યાજના RuPay કાર્ડનું વિતરણ કરશે.
બપોર પછી ગોધરાના મહુલિયા ગામમાં અમિત શાહ વધુ એક સહકારી પ્રોજેક્ટનું અવલોકન કરશે. અહીં તેઓ પંચામૃત ડેરી ખાતે રાજ્યની વિવિધ જિલ્લા સહકારી બેંકો તેમજ ડેરીના ચેરમેન સાથે બેઠક પણ યોજશે.
ઘનિષ્ઠ ધાર્મિક અને વિકાસાત્મક કાર્યક્રમો
આમિત શાહની મુલાકાતનો બીજો દિવસ , ધાર્મિક અને વિકાસાત્મક કાર્યક્રમે ભરેલો રહેશે. તેઓ સવારે 4 વાગે અમદાવાદના જગન્નાથ મંદિર ખાતે મંગળા આરતીમાં ભાગ લેશે.
તે બાદ સવારે 10:30 વાગ્યે નારણપુરા ખાતે SLIMS હોસ્પિટલનું ઉદ્ઘાટન કરશે. ત્યાંથી તેઓ આંબાવાડી ખાતે નિર્મિત વિદ્યાર્થી ભવનના ઉદ્ઘાટન કાર્યક્રમમાં પણ હાજરી આપશે.
અમિત શાહના બે દિવસના પ્રવાસની ઝલક:
ગાંધીનગરમાં આંતરરાષ્ટ્રીય સહકાર દિવસની ઉજવણી
ચાંગડા ગામે દુધ ઉત્પાદક મહિલાઓને RuPay કાર્ડનું વિતરણ
ગોધરા ખાતે સહકારી પ્રોજેક્ટોની મુલાકાત અને બેઠક
સવારે જગન્નાથ મંદિરે મંગળા આરતી
SLIMS હોસ્પિટલ અને વિદ્યાર્થી ભવનનું ઉદ્ઘાટન
