Civil Defense Mock Drill: અમદાવાદ જિલ્લામાં 8 સ્થળે ‘ઓપરેશન અભ્યાસ’: રાત્રે 8:30થી 9:00 બ્લેકઆઉટની જાહેરાત
Civil Defense Mock Drill: અમદાવાદ જિલ્લા કલેક્ટર સુજીત કુમારના માર્ગદર્શન હેઠળ ‘ઓપરેશન અભ્યાસ’ અંતર્ગત જિલ્લામાં વિવિધ સ્થાનો પર સિવિલ ડિફેન્સ મોકડ્રીલનું આયોજન કરવામાં આવ્યું છે. આ મોકડ્રીલનો ઉદ્દેશ નાગરિકોને તાકીદની પરિસ્થિતિઓ માટે જાગૃત કરવો છે.
ક્યાં સ્થળોએ થાય છે મોકડ્રીલ?
આ વિશેષ તાલીમાત્મક કવાયત જિલ્લામાં આઠ વિવિધ સ્થળોએ યોજાવાની છે, જેમાં નીચેના સ્થળોનો સમાવેશ થાય છે:
ધંધુકા નગરપાલિકા
વિરમગામ ટેન્ક ફાર્મ
પીરાણા પાવરગ્રીડ સબ સ્ટેશન
વટવા GIDC
ગેલોપ્સ ઇન્ડસ્ટ્રીયલ પાર્ક
ગણેશપુરા (કોઠ) મંદિર
સાણંદ GIDC ખાતે આવેલ ટાટા પ્લાન્ટ
થલતેજનો પેલેડિયમ મોલ
આ મોકડ્રીલ બપોરના 4 વાગ્યાથી લઈને 8:15 સુધી ચાલશે. રાત્રે 8:30 થી 9:00 દરમ્યાન બ્લેકઆઉટ પણ લાગૂ કરાશે જેથી લોકો વાસ્તવિક પરિસ્થિતિ જેવી સ્થિતિનો અનુભવ મેળવી શકે.
શહેરના નાગરિકોની સહભાગિતાની અપેક્ષા
શહેર અને નજીકના ગ્રામ્ય વિસ્તારોમાં લોકો સ્વેચ્છાએ આ ડ્રિલમાં ભાગ લઈ શકશે. જિલ્લા વહીવટીતંત્રએ તમામ સ્થાનો માટે નોડલ અધિકારીઓની નિમણૂક કરી છે, તેમજ જરૂરી તકેદારીઓ અને સમન્વય માટે તંત્ર સજ્જ છે.
સમગ્ર રાજ્યમાં પણ ચાલે છે તૈયારી
માત્ર અમદાવાદ જ નહીં, પણ રાજ્યના 18થી વધુ જિલ્લાઓમાં પણ આ પ્રકારની સિવિલ ડિફેન્સ ડ્રિલ્સ યોજાવાની છે. દરેક જિલ્લામાં અલગ-અલગ સમયગાળામાં બ્લેકઆઉટ અને તાલીમ કરાશે.
યુદ્ધસમા સાયરન વિશે જાણો
આ મોકડ્રીલમાં ખાસ પ્રકારના સલામતીના સાયરનોનો ઉપયોગ કરવામાં આવે છે. આવા સાયરન સામાન્ય રીતે પોલીસ હેડક્વાર્ટર, ફાયર સ્ટેશન, સરકારી કચેરીઓ કે લશ્કરી સ્થળો પર લગાડવામાં આવે છે. તેઓ વિશાળ વિસ્તારમાં ચેતવણી પહોંચાડી શકે છે.
સાયરનનો અવાજ કેટલો જોરદાર હોય છે?
આવા યુદ્ધસમા સાયરેનોનો અવાજ સામાન્ય રીતે 120 થી 140 ડેસિબલ સુધી હોઈ શકે છે.
તેની ગૂંજી રહેલી અવાજની પહોચ આશરે 2 થી 5 કિ.મી. સુધી હોય છે.
તેમાં ખાસ પ્રકારની ઉચ્ચ-નીચ તીવ્રતા હોય છે જે તેને અન્ય સામાન્ય વાહનના હોર્નથી અલગ બનાવે છે.
સાયરન વાગે ત્યારે શું કરવું?
જો સાયરન વાગે તો લોકો દ્વારા તાત્કાલિક સુરક્ષિત સ્થળે જવું જરૂરી હોય છે. આમ, નીચેના પગલાં અનુસરો:
ખુલ્લા વિસ્તારોમાંથી દૂર રહો.
નજીકની મજબૂત ઇમારતમાં આશરો લો.
રેડિયો, ટીવી કે સરકારી સંદેશો તરફ ધ્યાન આપો.
અફવાઓથી દૂર રહો અને ફક્ત સત્તાવાર સૂચનાઓનું પાલન કરો.
ભારતમાં આવા સાયરનોનો ઉપયોગ પહેલા 1962ના ચીન યુદ્ધ, 1965 અને 1971ના ભારત-પાક યુદ્ધ, તથા કારગિલ યુદ્ધ દરમિયાન કરવામાં આવ્યો હતો.
નાગરિકોની સુરક્ષા માટે સરકાર તત્પર
મોકડ્રીલના માધ્યમથી નાગરિકોને તાકીદની પરિસ્થિતિમાં કેવી રીતે પ્રતિક્રિયા આપવી, શું પગલાં લેવા અને કેવી રીતે સુરક્ષિત રહેવું તે શીખવવાનું લક્ષ્ય છે.
આ પ્રકારની તાલીમો ભવિષ્યમાં શક્ય પડકારો સામે સજ્જ રહેવા માટે અનિવાર્ય છે.
