Fake branded shampoo : સુરતમાં નકલી બ્રાન્ડના શેમ્પૂ વેચાતાં પકડાયા, 16 લાખથી વધુનો મુદ્દામાલ જપ્ત, 8 વર્ષથી ચાલી રહ્યો હતો ધંધો
Fake branded shampoo : સુરત શહેરના અમરોલી વિસ્તારમાંથી નકલી બ્રાન્ડેડ શેમ્પૂ વેચાણનું કૌભાંડ પકડાયું છે. પોલીસની ટીમે દરોડા પાડી ગોડાઉનમાં છૂપાવી રાખેલા નકલી શેમ્પૂ, પેકિંગ સામગ્રી અને અન્ય કોસ્મેટિક ઉત્પાદનો મળી કુલ રૂ. 16.36 લાખનો મુદ્દામાલ જપ્ત કર્યો છે. ચોંકાવનારી વાત એ છે કે આ ગેરકાયદેસર ધંધો છેલ્લા આઠ વર્ષથી સતત ચાલી રહ્યો હતો.
આરોપીઓએ જાણીતી આંતરરાષ્ટ્રીય બ્રાન્ડના લોગો અને પેકેજિંગનો ઉપયોગ કરીને નકલી શેમ્પૂ તૈયાર કરતો હતો અને તેને ઓનલાઈન તથા સ્થાનિક બજારમાં વેચતો હતો. ગ્રાહકોને “એક મફત સાથે એક” જેવી સ્કીમ આપીને આ લોકોએ મોટી સંખ્યામાં વેચાણ કર્યું હતું. પેકિંગ અને લેબલિંગ એટલું આધુનિક બનાવવામાં આવતું કે નકલી અને અસલી વચ્ચે તફાવત ઓળખવો બહુ મુશ્કેલ બની જતો.
આ કેસમાં પોલીસએ એક મુખ્ય આરોપીની ધરપકડ કરી છે, જ્યારે અન્ય બે આરોપી ફરાર છે. બંનેને કતારગામ વિસ્તારના રહેવાસી હોવાનું જણાયું છે અને તેમને પકડવા માટે તીવ્ર શોધખોળ હાથ ધરવામાં આવી છે. આ સાથે પોલીસ એ પણ માને છે કે આ નકલી શેમ્પૂ સુરત સિવાય અન્ય શહેરોમાં પણ વહેંચાયો હશે.
અધિકારીઓનું માનવું છે કે આ કૌભાંડ પાછળનું નેટવર્ક ખૂબ વિસ્તૃત છે અને વધુ લોકો સંડોવાયેલા હોઈ શકે છે. વેપારીઓની પૂછપરછ, લોજિસ્ટિક સપ્લાય અને મોબાઇલ ટ્રાન્સફર ડેટા ચેક કરવામાં આવી રહ્યો છે. પોલીસે લોકોને ચેતવણી આપી છે કે તેઓ ખરીદતી વખતે બ્રાન્ડ ચેક કરે અને શંકાસ્પદ માલ અંગે તાત્કાલિક જાણ કરે.
