Temple Timings Update :ચૈત્રી નવરાત્રીને ધ્યાનમાં રાખી પાવાગઢ અને અંબાજી મંદિરના સમયસૂચીમાં ફેરફાર
Temple Timings Update : ચૈત્રી નવરાત્રી નો આરંભ 30 માર્ચ થી થઈ રહ્યો છે, જે શ્રદ્ધાળુઓ માટે ખૂબ જ મહત્વપૂર્ણ તહેવાર છે. આ પવિત્ર અવસરે શક્તિપીઠો અને માતાજીના મંદિરો માં ભક્તોની મોટી સંખ્યામાં હાજરી રહેતી હોય છે. ભીડ સંભાળવા માટે પાવાગઢ અને અંબાજી મંદિરો એ વિશેષ વ્યવસ્થાઓ કરી છે.
શ્રી આરાસુરી અંબાજી માતા દેવસ્થાન ટ્રસ્ટ દ્વારા જાહેર કરવામાં આવેલી યાદી અનુસાર, 30 માર્ચના રોજ સવારના 9:15 વાગ્યે ઘટસ્થાપન વિધિ થશે. મંદિરના દર્શન અને આરતી માટે નીચે મુજબનો સમયનિર્ધારણ રહેશે:
સવારની આરતી: 7:00 AM – 7:30 AM
સવારના દર્શન: 7:30 AM – 11:30 AM
રાજભોગ: 12:00 PM
બપોરના દર્શન: 12:30 PM – 4:30 PM
સાંજની આરતી: 7:00 PM – 7:30 PM
સાંજના દર્શન: 7:30 PM – 9:00 PM
5 એપ્રિલ (ચૈત્ર સુદ આઠમ) અને 12 એપ્રિલ (ચૈત્ર સુદ પૂર્ણિમા) ના રોજ સવારની આરતી 6:00 AM વાગ્યે થશે.
6 એપ્રિલથી મંદિરના નિયમિત સમયગાળા લાગુ થશે.
પાવાગઢ મંદિરમાં પણ સમયસૂચીમાં ફેરફાર
શ્રી કાલિકા માતાજી મંદિર ટ્રસ્ટ અનુસાર, 30 માર્ચના રોજ મંદિર સવારના 4:00 AMએ ખૂલશે અને સાંજના 8:00 PMએ બંધ થશે.
5 એપ્રિલ (ચૈત્ર સુદ આઠમ), 6 એપ્રિલ (ચૈત્ર સુદ નવમી) અને 12 એપ્રિલ (ચૈત્ર સુદ પૂર્ણિમા) ના દિવસે પણ મંદિર 4:00 AMએ ખૂલશે.
અન્ય દિવસોમાં મંદિર સવારે 5:00 AMએ નિયમિત રીતે ખુલશે.
શ્રદ્ધાળુઓ માટે ખાસ વ્યવસ્થા
ભક્તોની ભીડને ધ્યાનમાં રાખીને સુરક્ષા વ્યવસ્થાઓમાં વધારો કરાયો છે.
ટોકન સિસ્ટમ અને વધુ દર્શનગાળાઓ યોજવામાં આવશે.
પ્રવેશ અને બહાર નીકળવા માટે અલગ માર્ગોની વ્યવસ્થા કરવામાં આવી છે.
